لعتب عالكتب هالدستور عالسن
بوطنه زعلت الضحكات عالسن
علاسه والشعب معلوس علسن
وقفلته وانعلسقفل الابوذية
===============
ابتليت ابحب بحبيبي بلوة هاية
ولو هايه واعينه بلوة هاية
انعمت هاي اعلى مودة بل وهاية
ويكلي شبيك ماتبجي عليا
================
يدنية وياي بعد وبعد جدي
وعلي صيحي بعالي ألصوت جدي
هجمتي بيت أبوي وبيت جدي
وأنة إبلا بيت شتهدمين بية
=================
إشفافك عسل و حصتي مرة منهن
وإكطعلي جلاي سهمك مرة منهن
إشكم مرة لحكتك ومرة منهن
مو أنت إطلعت وشصار بية
================
عليك ألقيت حجة وألقيامة
وياما براسك أقرة وألقيامة
تدري ألحشر شنهي وألقيامة
ألقيامة وألحشر زعلك علية
================
قضية أسمك على أسمك ماشخطنة
إزدحام إحنة إعلة دربك ماشي خطنة
إشتظن من كد حلاتك ماشخطنة
أليشوفك ينشخط مية بالمية
موضوع: ابوذيات المرحوم (عبدالحسين الحلفي) 
الأحد يوليو 24, 2011 5:32 pm