ابوذيات شعر شعبي عراقي حلوووووووووووووة *

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

..............

رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟

..............

وهذا بيت كتبته مشتركاً مع الشاعر محمد رحيمة الطائي

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

..................

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

.................

متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه

..................

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه
سوآر من ألذهب لآبسة وسآعة
وقميص عل خصر ضيق وسآعة
سآعة يحضني ألمدلل وسآعة
يغفى بين أدية
05/08/2011 , 26394

4
كتكوتة
الك مني سلام والف مرحب
شكثر مرت صداقة اشكثر مر حب
وحق اللي طبر بالسيف مرحب
تضل انت عزيز وغالي علية
05/08/2011 , 26384

3
اميرالحب@براق@(كانت روحي)
شلتك من خيال البال شيله
وهمك بات يمي ارجوك شيله
شتظن تسوه بدليلي اليوم شيءلا
ابشرك انتهوالماكوسويه
04/08/2011 , 26362

2
سيفو العراقي
حلو وبطبعي دايم عاشر انــــــــــي
وتكوليــن انته احلى واحدعاشراني
اذا تحبين تسعه والعاشر انـــــــــي
اذا صرت الــ11 والله خطيه......
04/08/2011 , 26357

3
ايهاب الحلاوي
طعم شفتك يمحبوبي شفانه
وتشابكنة ولا واحد شفانه
تذكر يوم طبكن شفانه
سكرنة وعلى الارض طحنة سوية
04/08/2011 , 26343

3
ايهاب الحلاوي
بعتلج كلبي وانطيتج وصل بيه
وعذاب لاخر الدنيا وصل بيه
دخليه على الجمر بيدج وصلبيه
ولا مكسور خاطر يعود الية
04/08/2011 , 26342

1
سمر
لا راهب عرف علتي ولا قس
ولا ليلى ابتلت مثلي ولا قيس
بعد ما احسب زلاتك ولا اقيس
خلي شما يصير يصير بية
03/08/2011 , 26318