أحس بكلبي كلة يصيح (مشتاك)

توصيني اعلة روحي وروحي هم تعيش؟
واذا عنهة بعدت هم تظن تنساك؟

يعني اعكد رموشي بحاجبي شلون؟
لأن بجفوني كلما ارمش الكاك

بجيتك مو دمع، دمعي بجة عيون
وفوك عيون دمعي دموع الفراك

وأبوذية نطقهة لساني مقهور
شالت ذكرياتي الراحت وياك


وعيوني انت بيهن ساكن سنين
وروحي فراش الك جانت تغطيك

اصم بيدية اذاني كبال هالناس
اخاف ابجي اذا مر بية طاريك

وكلما اصمهن اكثر زاد طرواك