هله هله يلى على الفطره هوانه
وينعشك لو يمر مره هوانه
اذا تسال على اليوفى هو انه
اجزع باول صياحك عليه
.......................
حبك صار بيه لوعه ودكه
وحب بالقلب بسمارك ودكه
وك جم دكه شفت منك ودكه
ورغم هذا احبك مو بديه
.......................
امتحنتك ردت اجربنك صحت حل
واشد جرحى واسمعنك صحت حل
بعدنى ما طحت صحت حل
لو طايح صدك شسوى بيه
.......................
كم من عمرى خلصته وراكم
وكضيت سنين بس اركض وراكم
بعت عمرى تره الحبكم وراكم
بدال المشترى تبيعون بيه
.......................
هله يلى ما نسه الخاطر ولاكم
وعمت عين الدهر ولاكم
صرت لاعب لاجل عينك والاكم
وسط كلمن يمسك بالاذيه
.......................
.......................
وحق بير الذى اليوسف حمدلا
وحق الصله للبارى وحمدلا
قضيتك مو طبيعيه حمدلا
هدل متنك عليمن شنهى القضيه
.......................
سألتك على جروحك ما شفت بيك
حزين وغير حزنك ما شفت بيك
شفت شمات عندك ما شفت بيك
اشتفوا ربعك الطلعوا راس حيه
.........................
عليك شلون ما تصعب لو انك
همت والشوك والعشره لو انك
اذا ونيت من يسمع لونك
اذا مالك محط فوك الوطيه
.......................
عنيد وهلعناده البيك مره
اليزعلك روحله وبالجذب مره
يمكن يعترف بالشوك مره
ويكلك منك احتاجيت جيه