منتديات شعلة الصدرين
نرحب بكم في منتديات شعلة الصدرين
قم بتسجيل الان


نرحب بكم في منتديات شعلة الصدرين
 
الرئيسيةس .و .جبحـثالتسجيلدخول

شاطر | 
 

 ابــــــــــوذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد الخادم



عدد المساهمات : 82
تاريخ التسجيل : 24/07/2011

مُساهمةموضوع: ابــــــــــوذيات   الأحد يوليو 24, 2011 5:34 pm

ابوذيات
انكسر ظهرج يروحي وصعب يبراج
اليتهمج بالتهيمه اشلون يبراج
وحياتك اير جدم وجدم يبراج
انحلت مدري نزيزه الكاع بيه
———————–
وحك الي عليه الجفن ياراي
ايور وما ابطل ابيوم ياراي
حرت ياراي اريده ايصير ياراي
لحد الان مامش راي اليه
—————–
يروحي ابيادرس نقرءه ونتلاي
اون وحسبت ربعي ونتلاي
الوراي اصبحو جدامي ونتلاي
وراهم والوراي الحك عليه
—————-
سهيت ومادريت اشلون بسهاي
يقيناًَ جان عندي عكل بسهاي
وراهم كلت ذيج انكظت بسهاي
كظت ليش الكظت ردت عليه
——————-
تهب شرجي وعليك اندار شملاي
تلم بشمل غيري وتشت شملاي
طفح جدح الصبر بجفاك شملاي
نظح ونشاف بيه الكم اذيه
—————–
حبيبي وما احب غيره ولهواي
ودليلي موجر بناره ولهواي
اخذت اشويه من عمري ولهواي
اخاف ايكول عز عمره عليه
——————
كفاني الي حصل منهم وياني
حيايه انكلبو اعليه وياني
اليظن منهم جدح عوده وياني
سلامه وبرد نار اعداي بيه
—————–
هوايه من الحجي التحجيه بلعين
كافي من الكلت والكال بلعين
صديجي الما يحطني كحل بلعين
تنكره كل حواس الخمس بيه
——————
اركن للمصايب وينحلهه
الصخر يبجي اعله روحي وينحلهه
مشكلتي يلاهي وينحلهه
ضاكت والمصاب اعظم عليه
————–

اشكبر حملك حبيبي مانحيله
ثكيل وهدل متني مانحيله
معاك اضحك وسولف مانحيله
منطيحن كومتي تصعب عليه
—————–
شمال وغيم ربعي شرجاني
وعكس طيبي معاهم شرجاني
جذب جدحك يوكتي شرجاني
جدح ربعي سجاني اسموم حيه
الرجوع الى أعلى الصفحة اذهب الى الأسفل
 
ابــــــــــوذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شعلة الصدرين :: قسم الشعر والادب :: ابوذيات والدارمي والزهيري-
انتقل الى: